Pak muaj më parë triumfoi në finalen e kampionatit evropian, duke shpallur Spanjën kampione, por duket se e ardhmja e Luis de la Fuente është në diskutim.
Tekniku 63-vjecar i cili ka fituar trofe edhe me skuadrat zinxhir të përfaqësueses iberike është pa një kontratë me ekipin A. Këtë fakt e ka konfirmuar ai vetë, duke ngritur kështu kritikat ndaj federatës së futbollit.
“Jam trajner kampion Evrope, por jam pa kontratë, jam akoma me kushtet si trajner i U-21. Ky është një rast unik në botë”, ka pohuar de la Fuente.
Menjëherë pas kësaj deklarate mediat spanjolle kanë analizuar situatën ku kanë zbuluar se 63-vjecari, tanimë kampion evrope paguhet rreth 600 mijë euro në vit, pagë shumë e ulët krahasuar me kolegët e tij në përfaqësueset e tjera.
Dëshira e de la Fuente është një rishikim i plotë i kontratës duke përfshirë këtu edhe pagën, për të cilën federata i ka bërë me dije se nuk e ka si prioritet.
Një shuplakë kjo e rëndë në fytyrën e de la Fuente, i cili arriti të fitojë Euro 2024, ndërsa më pas refuzoi një sërë ofertash të ardhura drejt tij.
LEXONI GJITHASHTU:
- Spanja “poker” Zvicrës me 10 lojtarë, Ronaldo shënon golin e rëndësishëm
- Bayern-Dinamo Zagreb një çmenduri, shënohen 11 gola! Juventus rikthehet me fitore
