Kampionat e Evropës nuk kanë zhgënjyer në ndeshjen e dytë të Ligës së Kombeve ku mposhtën Zvicrën në shfirat 1-4 në transfertë. Edhe pse për një pjesë të madhe të lojës ishin me 1 lojtar më pak pasi Le Normand u ndëshkua me të kuq, kjo duket se nuk ndikoi aspak. Joselu e Ruiz shënuan për iberikët në fraksionin e parë, ndërsa Amdouni ngushtoi diferencën. Në pjesën e dytë Ruiz e Torres vulosën triumfin me Spanjën që shkon 4 pikë. Në vendin e parë në grup qëndron Danimarka që mposhti pastër Serbinë.

Golat e Gronbaek e Poulsen i dhanë fitoren nordikëve, që shkojnë në kuotën e 6 pikëve. Në përballjet e tjera të Ligës A, triumf regjistruan Portugalia e Kroacia. Ronaldo realizoi golin numër 901 në karrierë, duke i dhënë fitoren në minutën e ‘88 ekipit të tij. Më herët ishte Fernandes që riktheu ekuilibrat, pasi McTominay zhbllokoi shifrat, ndërsa rezultati final ishte 2-1. Për Kroacinë mjaftoi kapiteni Modriç me 1 gol të shënuar për fitoren e parë në grup, ndaj Polonisë.

Në Ligën C fituan Suedia, Sllovakia, Bullgaria dhe Bjellorusia, ndërsa nuk pati fitues Gjibraltar-Lihtenshtejn e mbyllur në shifrat 2-2 në Ligën D.

LEXONI GJITHASHTU:

• Suarez tërhiqet nga kombëtarja, golashënuesi më i mirë në histori për ekipin
• Përjashtoi 3 futbollistë nga ekipi, Kosova synon tre pikët e para përballë Qipros