Debat për energjinë në Parlament, kërkesa nga 15 deputetë të opozitës

Parlamenti sot pritet të diskutojë për 4 orë situatën energjetike në vend.

Kërkesa është bërë rreth 2 javë më parë nga deputetë të opozitës të cilët kanë kërkuar në seancë edhe përfaqësues të ERE.

15 deputetët kanë kërkuar mbajtjen e një debati parlamentar në lidhje me vendimmarrjen e qeverisë dhe Entit Rregullator të Energjisë për çmimin e energjisë së konsumatorëve familjarë sipas fashave.

Rreth dy javë më parë deputetët e opozitës kërkuan në Kuvend thirrjen në një seancë dëgjimore drejtuesit e ERE-s, lidhur me vendimin për vendosjen e një fashe 800 kwh për energjinë elektrike.

Nga foltorja e Kuvendit, deputeti i Partisë së Lirisë Petrit Vasili tha se qytetarët kanë nevojë të sqarohen se çfarë po ndodh me çmimin e energjisë.

LEXONI GJITHASHTU:

• Çmimi i energjisë, ERE: Hiqet fasha 800 kwh për tetorin
• Pano Soko: Vendosja e fashës 800kw nuk sjell kursim të energjisë