Debate për gjuhën shqipe në emisionin Sot

Në 50-vjetorin e Kongresit të Drejtshkrimit, emisioni “Sot” në Euronews Albania trajtoi çështjen e gjuhës shqipe dhe problematikat që duhen zgjidhur për një gjuhë të unifikuar me shqipen e Kosovës dhe Maqedonisë së Veriut.

Autori i disa librave, Agron Dalipaj, thotë se problematika e gjuhës shqipe është çështja e identitetit kombëtar.

“Çështja e gjuhës shqipe nuk është çështje e Akademisë së Shkencave dhe Akademisë Studimeve Albanologjike, por çështje e identitetin tonë kombëtar”, tha ai.

Ndërsa pedagogia Elena Kocaqi thotë se nuk kemi fjalor të saktë të gjuhës shqipe dhe fokusi duhet të jetë te etimologjia.

Një studim më i mirë, sipas Kocaqit, i etimologjisë që do të shpjegonte se shumë fjalë që deri më tani janë cilësuar si të huazuara kanë prejardhje nga shqipja.

Por Rrahman Paçarizi, profesor në Universitetin e Prishtinës thotë se etimologjia është vetëm një degë e gjuhësisë, e nuk  mund të studiohet më vete.

Ai tha se gjuha ka problematika, por ato duhen studiuar nga profesionistë të gjuhës.