English

Dëgjohen kërkesat e eksportuesve, qeveria ndërhyn te bizneset e goditura nga euro

KOMENTE

SHPERNDAJE
ARTIKULLIN

Text sizeAa Aa

Qeveria ka nisur të lëvizë për të lehtësuar bizneset eksportuese e goditura nga zhvlerësimi i euros. Një ndër masat e marra është rimbursimi i TVSH-së në një afat tre ditor. Diskutohet edhe një plan afatgjatë i masave. 

- Advertisement -

Sektori i eksporteve është prekur më shumë nga të gjithë nga zhvlerësimi i euros i cili ka vijuar në rënie drastike tre muajt e fundit.

Ministria e Financave bashkë me shoqatat e eksportuesve si dhe shoqatën e bankave, janë mbledhur për të diskutuar rreth masave që duhen marrë për të mbrojtur këtë sektor.

 “Kemi vendosur me qëllim dhënien e një zgjidhje afatshkurtër për rritjen e likuiditeteve të kompanive eksportuese, do të ngurtësojmë parapagimin e kësteve të tatimfitimit për të gjithë kompanitë eksportuese që eksportojnë më shumë se 70% të qarkullimit dhe të prodhimit të tyre”.

Një masë tjetër që ndërmerr qeveria në këtë moment është edhe rimbursimi i TVSH-së.

 “Nga ana tjetër ne do të marrim masa me qëllim që rimbursimi i TVSH-së që merret nga eksportuesit pranë administratës tatimore i cili në bazë të vendimeve dhe udhëzimeve të ministrisë të Financave dhe të Ekonomisë, duhet të jepet me një afat 30 ditor, nga data e paraqitjes së kërkesës për rimbursim, do të jepet  me një afat shumë më të shkurtër, brenda tre ditëve nga paraqitja e kërkesës dhe dokumentacionit”.

Të gjithë eksportuesit tregtojnë në euro, ndërsa shpenzimet i kanë në lek, dhe si rrjedhojë të ardhurat e këtyre bizneseve kanë ardhur duke u tkurrur.

Bashkarisht me planet afatshkurtër, u diskutua dhe një plan afatgjatë për marrjen e masave të mëtejshme për ndikimin negativ që ky fenomen do ketë në treg. Disa sugjerime ishin ristrukturimi i kredive si dhe propozimi i kontratave forëard.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×