“Deklarata e Dobit është e rreme”, flet avokati i Alda Klosit që u la në burg

Avokati i Alda Klosit, Ilirjan Muho ka dalë në një deklaratë për mediat pasi kësaj të fundit iu dha masa e sigurisë ‘arrest me burg’.

Ai tha se deklaratat e pastrueses Rozeta Dobit janë të rreme dhe sipas tij kjo e fundit ka dalë tre herë me deklarata të ndryshme nga njëra-tjetrën.

Më tej ai tha se presin përgjigje për pyetjet që i kanë bërë prokurorisë në lidhje me rastin në fjalë.

“Caktoj masën e sigurisë me arrest me burg. Pati një debat të gjatë Prokurori paraqiti si provë një deklaratë të dhënë nga Rozeta Dobi. Ishte një deklarim i marrë kohët e fundit. I ka dhënë një vlerë të paracaktuar këtij deklarimi. Është hera e katërt që ajo pyetet, dhe sa herë që pyetet jep një deklaratë ndryshe nga tjetra.

Deklarata e fundit është gënjeshtër. Ka disa pyetje  që bëmë në seancë dhe natyrisht presim të zbardhet vendimi për të marrë përgjigjen e tyre. Nëse do ishte kështu  siç ka deklaruar Dobi, si është e mundur që është hapur kasaforta dhe është hedhur në një kazan plehrash. Si nëna si djali në momentin që janë arrestuar kanë mbajtur të njëjtin qëndrim ku kanë pohuar vjedhjen e banesës së Alda Klosit dhe kanë dhënë një mekanizëm të qartë se si është kryer kjo vepër penale.”-tha ai.

LEXONI GJITHASHTU: 

• “Nuk është pyetur ku i gjeti paratë”- Avokati i Alda Klosit akuza prokurorisë
• Avokati tregon ku u morën paratë që u gjetën në shtëpinë e Alda Klosit