Deklarata e Durov pas arrestimit: Kam ndihmuar Francën në luftën kundër terrorizmit

Themeluesi i platformës Telegram, Pavel Durov tha sot në deklaratën e tij të parë pas arrestimit në Paris, se ka ndihmuar në luftimin e terrorizmit në Francë, pra në krijimin e një “linjë të nxehtë” ndërmjet aplikacionit dhe Parisit.

Durov i cilwsoi pyetjet e bëra nga autoritetet franceze gjatë marrjes në pyetje “të pabesueshme”, raportoi RIA Novosti.

“Nëse një vend është i pakënaqur me një shërbim në internet, praktika aktuale është të ngrejë një padi kundër vetë shërbimit. Përdorimi i ligjeve të miratuara në ditët para ekzistimit të telefonave inteligjentë për të ndjekur penalisht CEO (të një shërbimi online) për krime të kryera nga palë të treta në platforma që ai kontrollon është një qasje e gabuar”, tha Durov në një mesazh të postuar në kanalin e tij Telegram.

Durov u arrestua në aeroportin e Parisit Bourges më 24 gusht dhe dyshohet për dhjetë krime, duke përfshirë bashkëpunimin në menaxhimin e një platforme online me qëllim kryerjen e transaksioneve të paligjshme nga një grup i organizuar dhe mund të përballet me 10 vjet burg.

Ai doli nga burgu më 28 gusht me kusht prej pesë milionë eurosh dhe i ndalohet të largohet nga territori francez dhe duhet të paraqitet në polici dy herë në javë.

Autoritetet franceze lëshuan urdhra arresti për themeluesit e Telegram, vëllezërit Pavel dhe Nikolai Durov, më 25 mars me akuza që përfshijnë bashkëpunim në posedimin, shpërndarjen dhe vënien në dispozicion të imazheve pornografike të të miturve.

LEXONI GJITHASHTU:

• U tha se shkoi në Francë me ftesën e Macron, presidenti mohon akuzat për Durov
• Peskov: Nuk ka pasur kurrë një marrëveshje mes Kremlinit dhe Pavel Durov