Presidenti francez Emmanuel Macron ka hedhur  poshtë të enjten pretendimet se ai ftoi Pavel Durov, themeluesin dhe CEO të aplikacionit të mesazheve Telegram, në Francë.

Durov u ndalua pas mbërritjes në Paris dhe më vonë u lirua me kusht.

Ndërsa Macron ishte në Beograd për bisedime zyrtare, ai mohoi akuzat e gazetës franceze “Le Canard Enchaine” se ai e kishte ftuar Durovin në Francë.

Gazeta kishte raportuar se Durov u ndalua menjëherë pas uljes në aeroport si pjesë e një ftese të supozuar për në Pallatin Elysee.

Macron deklaroi se ai nuk kishte “absolutisht asnjë ide” për vizitën e Durov në Francë dhe theksoi se do të ishte “e gabuar” të sugjerohej se ai e kishte ftuar Durovin për një darkë në rezidencën presidenciale.

Presidenti francez mbrojti vendimin e tij për t’i dhënë Durovit nënshtetësinë franceze në vitin 2021.

Macron e përshkroi masën si pjesë e një strategjie më të gjerë për t’u dhënë shtetësi figurave ndërkombëtare me ndikim që “mësojnë gjuhën frënge” dhe kontribuojnë pozitivisht në Francë.

Ai gjithashtu theksoi vendime të ngjashme për t’u dhënë shtetësi figurave si sipërmarrësi amerikan Evan Spiegel, atletët dhe artistët.

LEXONI GJITHASHTU:

• “Kosova po bën lëvizje të njëanshme”- Kurti i përgjigjet deklaratave të Macron
• Vuçiç përshëndet Macron në Beograd: Franca, një vend tek i cili mbështetemi