Gazetari Shpëtim Zinxhiria tha në një intervistë për Euronews Albania se në Greqi shqiptarët dënohen për vepra banale njësoj si për vrasje.
Ai komentoi rastin e një 33-vjeçari nga Shqipëria që është dhunuar në burg nga forcat e policisë greke.
“Problemi qëndron deri kur do vazhdojë kjo dhunë ndaj shtetasve shqiptarë?! Jemi në vitin 2023. Shqipëria është kandidate e Bashkimit Evropian. Shqiptarët jetojnë në një vend të Bashkimit Evropian ku lind demokracia. Deri kur?! Ku janë institucionet shqiptare?! Ju e dini që në burgjet greke kanë vdekur nga dhunimet 64 shqiptarë?! Pra, nuk është rasti i parë,” – u shpreh gazetari.
Ngjarja ka ndodhur në burgun Koridallo në rajonin e Atikës.
Shqiptari me incialet S.Z., nga Puka, baba i dy fëmijëve, është rrahur nga 4 punonjës të policisë.
Ngjarja ka ndodhur ditën e premte dhe është bërë publike nga përfaqësues të komuntetit shqiptar që jetojnë në Greqi.
Dhuna ndaj shqiptarit është ushtruar në ambientet e jashtme të burgut dhe sipas dëshimve ka qenë e përsëritur nga të njëjtët efektivë të policisë.
LEXONI GJITHASHTU: