Ministri i Jashtëm rus, Sergey Lavrov tha gjatë fundjavës se diktatori nazist Adolf Hitler kishte gjak hebre, duke shkaktuar një reagim të menjëhershëm nga Izraeli.
“Deklaratat e ministrit të Jashtëm Lavrov janë të pafalshme dhe skandaloze, si dhe një gabim i tmerrshëm historik. Hebrenjtë nuk e vranë veten në Holokaust. Niveli më i ulët i racizmit kundër hebrenjve është të akuzosh vetë hebrenjtë për antisemitizëm”, tha ministri i Jashtëm izraelit Yair Lapid.
Lavrov i bëri komentet në televizionin italian të dielën, duke përsëritur pretendimin e Rusisë se pushtimi i saj në Ukrainë është për të ‘denazifizuar’ vendin, raporton CNN.
Ai hodhi poshtë faktin se presidenti i Ukrainës Volodimir Zelenski është hebre.
“Zelensky parashtron një argument: çfarë lloj nazizmi mund të kenë nëse ai është hebre. Mund ta kem gabim, por Hitleri kishte edhe gjak hebre. Nuk do të thotë absolutisht asgjë. Populli i mençur hebre thotë se antisemitët më të zjarrtë janë zakonisht hebrenjtë”, tha Lavrov.
Ministria e Jashtme e Izraelit thirri ambasadorin rus në Izrael të hënën lidhur me komentet e Lavrov.
Dani Dayan, i cili drejton sitin e përkujtimit të Holokaustit Yad Vashem në Izrael, tha se ishte plotësisht e pabazë të thuhej se Hitleri ishte me origjinë hebreje.
LEXONI GJITHASHTU: