Deklarata kërcënuese ndaj Kurtit, Prokuroria merr në pyetje kreun e OVL-UÇK

Prokuroria Speciale e ka konfirmuar se sot është intervistuar ushtruesi i detyrës së kryetarit të OVL-UÇK-së, Faton Klinaku, lidhur me postimin e mbrëmshëm në Facebook, ku shkroi se “më parë e vras Albin Kurtin sesa që ia lëshoj rrugën e iki nga Kosova”.

Zëdhënësi i Prokurorisë Speciale, Ekrem Lutfiu, tha se  Klinaku dyshohet për veprën penale ‘’Dhuna ndaj përfaqësuesve të lartë të Republikës së Kosovës’’.

Pas intervistimit, Lutfiu thotë se Klinaku është liruar në procedurë të rregullt. Sipas Kodit Penal të Republikës së Kosovës, saktësisht Nenit 128, kryerja e kësaj vepre dënohet me burgim nga tre deri në dhjetë vjet.

LEXONI GJITHASHTU:

• A vazhdon ta mbështesë bashkimin Kosovë-Shqipëri? Kurti intervistë për mediat greke
• Kurti takon Lajçak: Në shtator vazhdimi i dialogut të nivelit të lartë