Deklaratat e Metës për SPAK, reagon Yuri Kim

Ambasadorja e SHBA Yuri Kim ka reaguar pas deklaratave të kryetarit të Partisë së Lirisë, Ilir Meta kundër SPAK pas nisjes së hetimeve ndaj tij.

Përmes një postimi në Twitter ambasadorja i quan të papranueshme ‘kërcënimet dhe nxitjet për prokurorët dhe gjyqtarët -dhe përpjekjet e tjera për të prishur reformën në drejtësi.

“Kërcënimet dhe nxitjet për prokurorët dhe gjyqtarët -dhe përpjekjet e tjera për të prishur reformën në drejtësi  nuk duhet të pranohen më si “normale”. Kjo sjellje nuk i përket një vendi që është në NATO, ka hapur negociatat për anëtarësim në BE dhe është ulur në Këshillin e Sigurimit të OKB-së”, – shkruan Yuri Kim.

Ilir Meta përmes një postimi në Facebook u shpreh se kryeministrin Edi Rama nuk e shpëton dot asgjë, ndërsa e cilëson SPAK ‘karagjozët më të mëdhenj të Ramaformës’.

“Meqenëse spurdhjaku i partisë ka vendosur t’i shërbejë hapur mafies së inceneratorëve në panik ju lutem njihuni edhe me një kërkesë tjetër serioze për karagjozët më të mëdhenj të Ramaformës. Shtatori po vjen dhe Drejtësia e Popullit nuk do ndalet më! Ramoviçin asgjë nuk e shpëton dot më!”, shkruan Meta.

2/2 For too long, the rich and/or powerful have believed they are untouchable. Now they are disturbed their impunity may be coming to an end. As justice reform is implemented & produces more & more results, it will become clearer & clearer that no one – NO ONE – is above the law.

— Ambassador Yuri Kim (@USAmbAlbania) August 24, 2022

LEXONI GJITHASHTU:

• SPAK tregon pse hetohet Ilir Meta