Delegatët e Kongresit të PS miratojnë ndryshimet në parti

Delegatet e Kongresit të Partisë Socialiste shkarkuan 61 kryetaret e degëve. Kryetarë e rinj do të zgjidhen gjatë periudhës 1 maj deri në 15 qershor, sipas rregullave të reja.

Për organizimin e tyre gjatë muajt prill do të mblidhet Asambleja Kombëtare e PS.

Kongresi miratoi emrat e sekretarëve të partisë, Blendi Klosi për organizimin, Eridian Salianji për çështjet zgjedhore, Anila Denaj për burimet njerëzore, Blerina Gjylameti për kordinimin, Etilda Gjonaj për gruan, Romina Kuko për marrëdhëniet me jashtë, Laert Duro për migracionin dhe Etjen Xhafaj, sekretar dixhital.

Edhe statuti i partisë pësoi ndryshime. Detyrat e drejtuesit politik, strukturë që funksionon prej vitesh, u saktësuan në statut. Ai është posti më i lartë politik në nivel qarku.

Po ashtu krijohet posti i kancelarit në nivel bashkie që do të jetë ura lidhëse mes degës së  partisë dhe qendrës.

Në vjeshtë do të thirret kongresi i radhës i socialistëve, ku do të kërkohet llogari sipas Ramës.

Sipas modelit të konsultimit publik, anëtarësisë do t’i kërkohet vlerësimi për çdo kryebashkiak, deputet apo drejtues të PS në rrethe.