Delegatët votojnë ndryshimet, procesi në fazën përfundimtare

Prej rreth dy orësh ka nisur votimi në Kuvendin Kombëtar të PD-së.

Gazetari i Euronews Albania Ardit Hoxha raportoi se votimi i të gjithë delegatëve pjesëmarrës në Kuvend është në fazën përfundimtare.

Votimi bëhet për ndryshimet në statut që u bënë me dije nga Belind Këlliçi në nisje të Kuvendit.

Hoxha raportoi nga hapësira në katin e parë ku po realizohej procesi, ndërsa tregoi se në katin e dytë është një tjetër hapësirë pak më e vogël ku po zhvillohet votimi.

“Janë 150 anëtarë të Këshillit Kombëtar që zgjidhen me votë nga Kuvendi Kombëtar, ndërsa pjesa tjetër janë 52 deputetë të cilët futen në Këshillin Kombëtar për shkak të pozitës gjithashtu dhe 72 krerët e degëve. Bashkë me ta do të futen në Këshillin Kombëtar pa pasur nevojë të votohen edhe ish-drejtues të lartë të institucioneve shtetërore, përfaqësues të Partisë Demokratike,” – raportoi gazetari.

LEXONI GJITHASHTU:

• Berisha: Partia Demokratike rilindi në Kuvendin e 11 Dhjetorit