Delvina në flakë, banorët kritikojnë autoritetet: Shteti na la vetëm, s’pati ndihmë

Gazetarja e Euronews Albania, Sara Demushi, bisedoi këtë mëngjes me banorët në Delvinë, të cilët kaluan një natë tmerri për shkak të zjarrit të madh që përfshiu zonën.

Ata shprehen të irrituar dhe akuzojnë autoritetet shtetërore ndërsa shprehin ankesa se mungoi mbështetja për ta.

Një banor thotë se nuk ka pasur ndihmë nga Emergjenca Civile dhe shprehet se vetëm ndërhyrja me avion mund ta përmirësonte situatën ndërsa një tjetër kërkon praninë e kryeministrit në zonë.

“Mos më merrni me kamera, por merr kryeministrin, zjarrfikësja të shuaj zjarret, mos të rrijë aty. Më janë djegur ullinjtë dhe malli atje sipër”, thotë një prej tyre.

Një tjetër thotë zjarrëfikësit na lanë vetëm në mëshirë të fatit.

“Ata janë të lodhur, të mbaruar dhe nuk kanë fuqi. I prita të vinin por na lanë në mëshirë të fatit”, thotë ai.

LEXONI GJITHASHTU:

• Video/ Fillon ndërhyrja nga ajri për shuarjen e zjarrit, si është situata në Delvinë
• Ushtarë, banorë e zjarrfikës në luftë me flakët, çfarë ndodhi gjatë natës në Delvinë