Demokratët s’kanë bërë sa duhet për Dibrën, thotë Dhurata Çupi

Deputetja e Partisë Demokratike, Dhurata Çupi tha në RinOn se ka qenë prezentë që prej vitit 2016 në të gjitha problematikat e qytetarëve të Dibrës.

“S’kam mundur të bëj atë që mendoj se meriton Dibra,” – u shpreh ajo, duke sjellë në vëmendje se diçka e tillë ka ndodhur sepse është përfaqësuese e opozitës.

Ajo deklaroi se edhe pse qytetarët e Dibrës e kanë mbështetur në mënyrë të vazhdueshme qeverisjen e Partisë Demokratike, ata kanë bërë minimumin.

“Unë nuk kam ndërmend të mbroj qeverisjen e Partisë Demokratike vetëm sepse jam përfaqësuese e Partisë Demokratike,” – shtoi Çupi.

Deputetja solli në vëmendje gjithashtu se investimet nga vitet 2005-2013 në Dibër kanë qenë të vazhdueshme edhe pse jo mjaftueshëm.

LEXONI GJITHASHTU:

• Piktori që ëndërronte aktrimin, dibrani zgjodhi Pogradecin për t’u frymëzuar
• Ndryshime në polici, Durrësi e Dibra me drejtorë të rinj