Dënohet me burgim të përjetshëm, gruaja ndihmoi bashkëshortin në vrasje e përdhunime

Ish-gruaja e një vrasësi serial është dënuar me burgim të përjetshëm për bashkëpunimin e saj në dy vrasje dhe një rrëmbim.

Monique Olivier, 75 vjeç, ishte në gjyq në Francë për pjesëmarrjen e saj në përdhunimin dhe vrasjen e 20-vjeçares Joanna Parrish , nga Gloucestershire, në vitin 1990 dhe 18-vjeçares Marie-Angèle Domèce në 1988.

Ajo u akuzua gjithashtu për rrëmbimin e nëntë vjeçares Estelle Mouzin, trupi i së cilës nuk u gjet kurrë, në vitin 2003.

Michel Fourniret vdiq para se të mund të sillej në gjyq për vrasjet. Olivier tashmë po vuan burgim të përjetshëm për pjesën e saj në krimet e kaluara të ish-bashkëshortit të saj , i cili vdiq në vitin 2021. Ajo tani është dënuar me një dënim të dytë të përjetshëm, me një minimum prej 20 vjetësh.