Një tifoz i Kombëtares shqiptare, Albion Mahmuti, ka dënoncuar mashtrimin që i është bërë me shitjen e biletës për të parë ndeshjen e sotme në “Air Albania”.
Përmes një interviste për emisionin “Now me Erla Mëhillin” në Euronews Albania, ai është shprehur se kanë udhëtuar nga 300 kilometra larg për të blerë biletat dhe janë zhgënjyer.
Mahmuti tha se e kishin denconcuar rastin në Polici, pasi dispononin fotografi të personit që ia kishte shitur biletën dhe priste që të ndërmerreshin masat e duhura.
“Jam Albion Mahmuti, vij nga Gjilani. Kemi parë dikë në Tik Tok që shiste bileta. Kemi folur në Instagram. E kemi pyetur a i dëshiron paret me postë apo kesh dhe ai tha kesh. Kemi bërë 300 kilometra për të marrë biletat.
Bileta ka qenë 50 euro çmimi, bileta që vlente 30 euro. Ishin mbi 30 persona që i ka mashtruar ky person. Rastin e kemi denoncuar në Polici, që kanë marrë të dhënat. Kushërinjtë e mi kanë ardhur që nga Zvicra dhe e kishin herën e parë që po vinin në Tiranë”, është shprehur Mahmuti.
