Deputetët e opozitës nisin protestën, parkojnë makinat në mes të rrugës

Ndërkohë që pritet nisja e protestës së opozitës, gazetari Ardit Hoxha i cili ndodhet në zonën e Kamzës than në një lidhje direkte për Euronews Albania, se tashmë ka nisur bllokimi i rrugëve.

Ai tha se deputetët e partisë demokratike, kanë nisur të bllokojnë rrugën me makinat e tyre personale.

6 akse kryesore do të bllokohen nga ora 17:00 deri në orën 20:00.

Konkretisht akset rrugore që do të bllokohen janë “Tiranë–Durrës”, pranë mbikalimit të Kamzës; “Durrës-Tiranë”, pranë mbikalimit të Shkozetit; “Kashar–Milot”, pranë kryqëzimit të Milotit; “Elbasan–Tiranë”, te rrethrrotullimi i Bradasheshit; “Durrës–Fier”, te rrethrrotullimi i Rrogozhinës dhe “Levan–Tepelenë”, te rrethrrotullimi i Levanit.

Te sheshi “Shqiponja”, pranë mbikalimit të Kamzës “Durrës-Tiranë”, do të jenë deputetwt Flamur Noka, Klevis Balliu,

Në rreth-rrotullimin e Bradasheshit, do të drejtojnë protestën deputetët nga degët e qarkut Elbasan dhe Korçë Ivi Kaso, Lefter Gështenja, Qani Xhafa, Edmond Spaho, Sorina Koti dhe Tomorr Alizoti.

Në rrethrrotullimin e Rrogozhinës, degët Kavajë, Lushnjë, Rrogozhinë dhe Divjakë me Ilda Dhori, Dashnor Sula, Bledjon Nallbati.

Efektivët e policisë janë vendosur në Levan, në zonën ku do të nisë grumbullimi i protestuesve për t’u zhvendosur drejt rrethrrotullimit, do të bllokohet aksi totalisht. Në këtë zonë kanë mbërritur ndërkohë deputetët e PD Luan Baçi dhe Tritan Shehu.

LEXONI GJITHASHTU:

• “Ka vajtur ku s’mba më” – Opozita bllokon rrethrrotullimin e Levanit
• VIDEO-LIVE| 6 akse të paralizuara, nis bllokimi i rrugëve për protestën e opozitës