Deputeti demokrat, Flamur Noka përjashtohet nga seanca plenare
Deputeti i Partisë Demokratike, Flamur Noka është përjashtuar nga seanca plenare e cila po zhvillohet në Kuvend.
Kryetarja e Kuvendit, Lindita Nikolla i tërhoqi vërejtje deputetit për shkak të sjelljes së tij.
Ky i fundit, i frynte bilbilit teksa deputetë të mazhorancës mbanin fjalën e tyre në seancë. Nga ana tjetër, kryetari i Partisë Demokratike, Sali Berisha bllokoi foltoren.
Seanca plenare zhvillohet teksa jashtë ambienteve të Kuvendit po mbahet protesta e thirrur nga opozita.
Një punonjës policie është lënduar gjatë përplasjes me protestuesit e Partisë Demokratike.
Gazetari i Euronews Albania, Eni Ferhati tha se koktejli molotov dhe shashkat e hedhura në drejtim të punonjësve të policisë kanë kapur pranë kokës një prej efektivëve duke i shkaktuar lëndime të lehta.
Efektivi është shoqëruar me ambulancë në spital, ndërsa policia është bërë gati për të kaluar në “planin B”.
Protesta e paralajmëruar nga PD para godinës së Parlamenti vjen pas asaj të mbajtur më 11 shkurt, e thirrur nga kryedemokrati Sali Berisha, ku në të mori pjesë edhe kreu i Partisë së Lirisë, Ilir Meta.
Berisha kërkon dorëheqjen e kryeministrit Edi Rama pas publikimit të skandalit me ish-zyrtarin e FBI-së, Charles McGonigal.
LEXONI GJITHASHTU
Zgjidhet Kryetarja e re e Këshillit Kombëtar të PD-së, ja kush e zëvendëson Palokën
Muça: Berisha i bëra listat e kryesisë me ata që ishin në protestë
“Nuk e dija që do isha kandidate për kryesinë”, Grimci: Kisha bërë kërkesë por ja kur e mora vesh..
- 23:25 Dosja “Ura”, BKH arreston Adi Çobën, i akuzuar si organizator i trafikut të heroinës dhe kokainës
- 22:37 Zgjidhet Kryetarja e re e Këshillit Kombëtar të PD-së, ja kush e zëvendëson Palokën
- 22:30 Bombardime ruse në Ukrainë, të paktën 6 të vrarë dhe rreth 50 të plagosur
- 22:28 Uashingtoni paralajmëron Teheranin: Nga marrëveshja bërthamore fitoni më shumë se nga tarifat në Hormuz
- 22:28 SHBA nënshkruan marrëveshjen për ambasadë të përhershme në Jerusalem
- 22:24 Irani: Çdo kërcënim do të marrë përgjigje të menjëhershme, Trump të frenojë aleatët e tij