Sali Berisha bllokon foltoren, jashtë Kuvendit vijon ende protesta e opozitës

Kryetari i Partisë Demokratike, Sali Berisha ka bllokuar foltoren e Kuvendit gjatë seancës së sotme plenare.

Berisha i është drejtuar foltores me disa deputetë demokratë, teksa i menjëhershëm ka qenë reagimi i punonjësve të Gardës, të cilët vendosën një kordon.

Kryedemokrati ka kërkuar fjalën, por kryeparlamentraja Lindita Nikolla nuk e aprovoi diçka të tillë, pasi sipas saj, Berishës i kishte mbaruar koha e vënë në dispozicion.

Seanca plenare zhvillohet teksa jashtë ambienteve të Kuvendit po mbahet protesta e thirrur nga opozita.

Një punonjës policie është lënduar gjatë përplasjes me protestuesit e Partisë Demokratike.

Gazetari i Euronews Albania, Eni Ferhati tha se koktejli molotov dhe shashkat e hedhura në drejtim të punonjësve të policisë kanë kapur pranë kokës një prej efektivëve duke i shkaktuar lëndime të lehta.

Efektivi është shoqëruar me ambulancë në spital, ndërsa policia është bërë gati për të kaluar në “planin  B”.

Protesta e paralajmëruar nga PD para godinës së Parlamenti vjen pas asaj të mbajtur më 11 shkurt, e thirrur nga kryedemokrati Sali Berisha, ku në të mori pjesë edhe kreu i Partisë së Lirisë, Ilir Meta.

Berisha kërkon dorëheqjen e kryeministrit Edi Rama pas publikimit të skandalit me ish-zyrtarin e FBI-së, Charles McGonigal.

LEXONI GJITHASHTU

• “Ty të pëlqen që…” Debat për videot intime në Kuvend. PS: Të përjashtohet Berisha.
• Një punonjës policie i lënduar nga lëndët plasëse, FNSH bën gati maskat kundërgaz
• Nisin përplasjet me policinë, protestuesit tentojnë të hyjnë në ambientet e Kuvendit