Nisin përplasjet me policinë, protestuesit tentojnë të hyjnë në ambientet e Kuvendit

Është tensionuar situata në ambientet e jashtme të parlamentit, ku po mbahet protesta e thirrur nga opozita.

Pas hedhjes së tymuesve në drejtim të policisë, protestuesit kanë tentuar të çajnë kordonin policor dhe të hyjnë brenda ambienteve ku po mbahet seanca plenare.

Pas tentativave të protestuesve për të mësyrë në Kuvend, në ambientet e oborrit të parlamentit u pozicionuan dhe autobutët me ujë për shpërndarjen e turmave.

Pas shtyrjes trup më trup mes turmës së protestuesve dhe efektivëve të Forcave të Ndërhyrjes së Shpejtës, situata nuk ka agravuar më tej në përplasje fizike.

Deputetët e Partisë Demokratike të përjashtuar nga seanca plenare u bashkuan me protestuesit dhe po mbajnë mes turmës fjalimet e tyre.

Ndërkohë që brenda ambienteve të Kuvendit po mbahet seanca plenare e planifikuar këtë të hënë.