Një punonjës policie i lënduar nga lëndët plasëse, FNSH bën gati maskat kundërgaz

Një punonjës policie është lënduar gjatë përplasjes me protestuesit e Partisë Demokratike para Parlamentit.

Gazetari i Euronews Albania, Eni Ferhati tha se koktejli molotov dhe shashkat e hedhura në drejtim të punonjësve të policisë kanë kapur pranë kokës një prej efektivëve, duke i shkaktuar lëndime të lehta.

Efektivit i ka ardhur në ndihmë ambulanca, ndërsa policia është bërë gati për të kaluar në “planin B”.

“Forcat e Ndërhyrjes së Shpejtë janë bërë aktive, janë afruar në hyrjen qendrore të Parlamentit, janë bërë gati maskat kundërgazi në mënyrë që në rast të precipitimit të situatës të përdoret gazi lotsjellës në drejtim të protestuesve”, raportoi gazetari.

Protesta e paralajmëruar nga PD para godinës së Parlamenti vjen pas asaj të mbajtur më 11 shkurt, e thirrur nga kryedemokrati Sali Berisha, ku në të mori pjesë edhe kreu i Partisë së Lirisë, Ilir Meta.

Berisha kërkon dorëheqjen e kryeministrit Edi Rama pas publikimit të skandalit me ish-zyrtarin e FBI-së, Charles McGonigal.

LEXONI GJITHASHTU:

• Vokshi: Rama ka uzurpuar Parlamentin, i frikësohet skandalit “McGonigal”
• FOTO | Protesta e opozitës, FNSH në ambientet e jashtme të Parlamentit