FOTO | Protesta e opozitës, FNSH në ambientet e jashtme të Parlamentit

Teksa na ndajnë rreth dy orë nga nisja e protestës së opozitës, disa furgona të FNSH-së janë vendosur në ambientet e jashtme të Parlamentit.

Gjithashtu, në këto ambiente është vendosur edhe një depozitë me ujë.

Ashtu siç është paralajmëruar nga kryedemokrati Sali Berisha, protesta e radhës do të mbahet në orën 17:00, para godinës së Parlamentit.

Ende nuk dihet skenari i kësaj proteste, teksa krahas saj do të zhvillohet edhe seanca plenare.

Kjo protestë vjen pas asaj të mbajtur më 11 shkurt, e thirrur po nga Sali Berisha, ku në të mori pjesë edhe kreu i Partisë së Lirisë, Ilir Meta.

Berisha kërkon dorëheqjen e kryeministrit Edi Rama pas publikimit të skandalit me ish-zyrtarin e FBI-së, Charles McGonigal.

LEXONI GJITHASHTU

• Ndoka: 5 javë më parë ndërkombëtarët kanë takuar 2 orë Ramën, i kërkojnë dorëheqjen
• Protesta, ironizon Rama: Dje zhgarravinat e revolucionit, nesër nis një javë e re
• Shpërthen deputeti i PD-së: Rama e meriton të shkojmë ta nxjerrim nga dritarja