Deputeti i PD: Berisha ndodhet në ‘arrest shtëpie’ pa procedurë dhe pa prova

Deputeti i Partisë Demokratike (mbështetës i Rithemelimit), Asllan Dogjani, është shprehur se ish-kryeministri Sali Berisha ndodhet në ‘arrest shtëpie’ pa procedurë dhe pa prova.

Komentet Dogjani i bëri në emisionin “Now me Erla Mëhillin” në Euronews Albania, ku tha se sot 95% e sistemit të drejtësisë nuk ofrojnë shërbimin e duhur ndaj qytetarëve.

Ai tha gjithashtu se Reforma në Drejtësi u votua për të siguruar një sistem drejtësie të barabartë për të gjithë.

“Sot ne kemi një përqindje të vogël që është SPAK, ndërkohë që kemi 95% të sistemit të drejtëisë, prokurorë, gjyqtarë, që sot nuk marrin drejtësinë e duhur. Ne kemi bërë një reformë që qytetarët të marrin drejtësi. A kemi sot gjyqtarë dhe prokurorë të pavarur? Unë them jo.

Sali Berisha është në burg pa procedurë dhe pa prova. Në arrest shtëpie, i është hequr liria. Berisha është në kundërshtim me procedurën atje. Sot kemi një ish-kryeministër që i është hequr liria në kundërshtim me ligjin dhe procedurën. Ne duam një sistem drejtësie të barabartë për të gjithë”, tha Dogjani.

LEXONI GJITHASHTU:

• Berisha u drejtohet emigrantëve: Ju jeni autorët e kapitullit të parë të demokracisë
• Përvjetori i vdekjes së Nishanit, Berisha: Një personalitet i shquar e besnik