Deputeti i Partisë Demokratike, Tritan Shehu, ishte i ftuar këtë të premte në Euronews Albania, ku komentoi rezultatin e zgjedhjeve loakle në Shqipëri.

Shehu mori shembullin e Himarës, e cila u fitua nga koalicioni “Bashkë Fitojmë”, për të treguar se si mund të mundet me votë maxhoranca socialiste.

Sipas tij ajo që tregoi Himara është se qeveria mundet vetëm nëse ka presion të mos manipulojë procesin zgjedhor. Në rastin e Himarës presioni u ushtrua nga Greqia, ndërkohë që për një fitore të opozitës në gjithë Shqipërinë duhet të ketë presion nga një lëvizje popullore qytetare, theskoi Shehu.

“Ngjarjet në Himarë treguan shumë. Treguan që vetëm nga presioni tërhiqet ky regjim. Ishte presioni i Greqisë atje që e tërhoqi këtë regjim. Imagjinoni çmund të bëjë presioni Iëvizjes popullor shqiptare kur të shpërthejë. Prandaj ne duhet të mendojmë për lëvizjen popullore shqiptare që të krijojë këtë presion.

Do shikohet rast pas rasti çfarë ka ndodhur dhe pastaj ne do të dalim në konkluzione. Unë mund t’iu them se në Memaliaj fituam thellë pasi u organizuam mirë dhe mundëm ta përballonim mirë presionin e qeverisë.

Këlcyra humbi vetëm nga paterica e Ramës që vodhi votat e demokratëve dhe bëri të fitojë socialisti dhe jo Kasaj që është nëj djalë i shkëlqyer. Në Libohovë ne humbën me një betejë dinjitoze me pak vota, vetëm sepse u bë një presion i madh”, tha Shehu.

LEXONI GJITHASHTU: 

• Zgjidhet kryetari i ri i Grupit Parlamentar të Partisë Demokratike
• Berisha: Bandat erdhën nga Dubai, diktuan votën. U pagua deri në 600 € për 1 votë
• 50-vjetori i Revoltës së Spaçit, Berisha: Rama ka vendosur diktaturën e bandave