Deschamps drejt largimit, Zidane alternativa e mundshme për kombëtaren e Francës

Humbja në finalen e Kupës së Botës nuk është pritur mirë nga Federata Franceze e Futbollit, e cila duket se është në kërkim të një trajneri të ri.

Didier Deschamps nuk e ka më të sigurt vendin në pankinën e gjelave, teksa tek trikolorët po përflitet emri i Zidane. Ish-trajneri i Realit të Madridit pritet të jetë zëvendësuesi i 54-vjeçarit, i cili shpalli Francën kampione në 2018-ën.

Në anën tjetër Deschamps ka shprehur dëshirën për të udhëhequr skuadrën dhe në evropianin e 2024-ës edhe pse diçka e tillë duket e pamundur.

Në lidhje me këtë lajm, ka reaguar dhe mesfushori madrilen, Toni Kroos i cili ka pohuar se Zidane duhet të vendoset tashmë në krye të kombëtares duke e cilësuar atë si pasuesi më i mirë i mundshëm i Deschamps.

Didier Deschamps është vendosur në krye të kombëtares së Francës në vitin 2012 në një kontratë dy vjeçare e cila u rinovua vit pas viti. Karreirën si trajner e nisi tek Monaco në vitin 2001, më pas tek bardhezinjtë e Juventusit. Rikthimi tek Marseja i hapi rrugë kalimit në kombëtare.

LEXONI GJITHASHTU

• Kupa e Botës | E marta ditë feste në Argjentinë, 1 milion qytetarë në sheshe
• Kreu i FIFA-s kërkon që Kupa e Botës të zhvillohet çdo 3 vjet
• Messi ‘kampion’ edhe në Instagram, fotoja me Kupën e Botës thyen rekord pëlqimesh