‘Dështim total’, avokati Ramaj: Rezultatet e SPAK janë periferike

Avokati Redi Ramaj u shpreh në një intervistë për Euronews Albania se rezultatet e SPAK janë periferike dhe se kjo strukturë mund të kishte bërë më shumë në luftën ndaj korrupsionit.

“SPAK dhe GJKKO nuk kanë justifikime sa i përket burimeve njerëzore dhe kapaciteteve. Kërkesat penale të drejtuar kundrejt SPAK për dosje korrupsioni do të ishin të larta që në ditën e krijimit të tij. Në 3 vite nuk ka justifikime për burime njerëzore dhe financave. Krijuesit e Reformës në Drejtësi nuk kanë menduar sesi të zëvendësojnë gjyqtarët  e shkarkuar, atëherë kemi të bëjmë me një dështim total. Rezultatet janë periferike”, u shpreh Redi Ramaj.

35.3% e shqiptarëve mendojnë negativisht për SPAK. Të pyetur nga Barometri në Euronews Albania, shumica e kanë vlerësuar negativisht punën që ka bërë SPAK deri më tani.

7.2% e të pyeturve janë shprehur shumë negativisht, ndërkohë që 27.5% e shqiptarëve janë shprehur neutral. 26.2% e tyre e kanë parë pozitivisht punën e SPAK dhe vetëm 0.2% e tyre e shohin shumë pozitivisht punën e SPAK.

LEXONI GJITHASHTU:

• Shqiptarët notë negative SPAK-ut, zbulon Barometri
• Mbi 59% e shqiptarëve mendojnë se politika ka kapur drejtësinë
• Shqiptarët të zhgënjyer nga Reforma në Drejtësi