Largimi nga Bayerni i Mynihut në fund të këtij sezoni futbollistik, u cilësua si një dështim në karrierën e Thomas Tuchel, por në realitet nuk është ashtu.

Tekniku 50-vjeçar edhe pse po kalon një formë jo pozitive me rekordmenët e Gjermanisë, sërish nuk do të ngelet pa punë. Burime pranë teknikut që fitoi ligën e kampionëve kur drejtonte Chelsean në Angli, bëjnë me dije se kanë nisur lëvizjet e para.

E thënë ndryshe, e ardhmja e Tuchel është mes Spanjës dhe Anglisë, ku në këtë të fundit, një rikthim tek blutë e Londrës, nuk do të ishte dicka e papritur. Trajneri ka vijuar gjithashtu dhe komunikimet me drejtues të skuadrave të tjera, ku alternative mbeten dhe Barcelona, Manchester United dhe Liverpool. Dy prej këtyre ekipeve kanë konfirmuar largimin e trajnerit, Xavi nga Katalanasit dhe Klopp që do t’i japë lamtumirën Anfield pas 9 vitesh.

Sa i përket garës që Tuchel do të ketë për marrjen e drejtimit të këtyre ekipeve është e fortë, vetëm tek Barcelona janë 4 emra të tjerë të lidhur, De Zerbi, Hansi Flick, Arteta dhe Rafael Marquez. Sa i përket djajve të kuq, Ten Haag aktualisht nuk diskutohet për tu larguar, por humbja ndaj Fulham ndikon në marrjen e një vendimi. Pistë e mundshme po ashtu është ajo e Chelsea, ku sezoni po shkon drejt një dështimi absolut dhe rikthimi i trajnerit që fitoi Champions League, do të konsiderohej një shpëtim.

LEXONI GJITHASHTU:

• Bayern merr vendimin përfundimtar për të ardhmen e Tuchel, del me njoftim zyrtar
• Tuchel sfidon kampionët e Francës: Dua të përballem në finale