Një konflikt në familje ka ndodhur tek komuniteti Afgan i strehuar në Shëngjin. Sipas të dhënave babai ka dhunuar vajzen e tij të mitur.

Ngjarja ka ndodhur mbrëmjen e së enjtes në hotelin ku janë të akomoduar afganët në vijen e parë të bregdetit të Shëngjinit.

Në lidhje me rastin ka ndërhyrë menjehrë policia të cilat kanë shoqëruar në komisariat babain dhunues së bashku me vajzën. Ndaj 42-vjeçarit është ngritur akuza e dhunës në familje, ndërkohë që vajza e tij e mitur është pajisur menjëherë me urdhër mbrojtje.

Materialet hetimore i janë referuar Prokurorisë së Rrethit Gjyqësor Lezhë dhe po punohet për sqarimin e rrethanve dhe motiveve të ngjarjes.

Në Shëngjin vijojnë të qëndrojnë prej gati 2 vitesh një numër i konsiderueshëm afganësh të cilët u larguan nga vendi i tyre pas ardhjes në pushtet të talebanëve.

Ky nuk është rasti i parë që ky komunitet bëhet pjesë i ngjarjeve të ndryshme, ku është dashur ndërhyrja e policisë.