Detaje nga grabitja e argjendarisë në Tiranë, punonjësit i morën varësen 8 mln lekë

Të tjera detaje janë zbardhur nga grabitja e argjendarisë një ditë më parë në Valias.

Punonjësit të argjendarisë Luis Balliu dhe agjentit të krimeve në Komisariatin nr.4 në Tiranë Egzon Mustavataj iu është grabitur një varëse floriri me vlerë 8 milionë lekë të vjetra. Porosia ishte bërë në rrjetet sociale. Për shkak të vlerës së varëses Balliu i ka kërkuar mikut të tij efektiv që ta shoqërojë.

Në momentin që kanë arritur në vendin që do të dorëzohej porosia janë përballur me dy persona të maskuar të cilët kanë dalë nga një automjet i zi, tip “Golf 5”.

Njëri prej tyre ka qenë i armatosur me automatik dhe ka qëlluar në ajër. Pasi kanë marrë varësen janë larguar në drejtim të paditur. Ende nuk është bërë identifikimi i tyre.

LEXONI GJITHASHTU:

• Grabitet nën kërcënimin e armës argjendaria në Valias, në kërkim 2 persona
• I përfshirë në grabitjen me armë të argjendarisë në 2012, ndalohet në Spanjë autori