I përfshirë në grabitjen me armë të argjendarisë në 2012, ndalohet në Spanjë autori

Një 35-vjeçar, i akuzuar për tentativë vjedhjeje me armë, në një argjendari në Shkodër, është arrestuar në Spanjë me qëllim ekstradimin drejt Shqipërisë.

Shtetasi E. H. akuzohet për një krim të ndodhur rreth 12 vite më parë. Ai së bashku me persona kanë tentuar të vjedhin në vitin 2012 një argjendari në lagjen “Fahri Ramadani”, në Shkodër, duke përdorur armë zjarri. Gjatë tentativës për vjedhje, ka mbetur i plagosur vëllai i pronarit të argjendarisë.

Ky shtetas është shpallur në kërkim ndërkombëtar pas rifillimit të hetimeve nga Drejtoria Vendore e Policisë Shkodër, në drejtimin e Prokurorisë së Shkodrës.

Bazuar në këto hetime, në muajin shkurt 2024, Gjykata e Shkallës së Parë e Juridiksionit të Përgjithshëm Shkodër i ka caktuar atij masën e sigurisë “Arrest në burg”, për veprat penale “Vjedhja me armë”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe municionit”.

Policia e Shtetit po vijon procedurat për ekstradimin e shtetasit E. H., në Shqipëri.

“Si rezultat i operacionit, është kapur në Spanjë dhe është arrestuar me qëllim ekstradimin drejt Shqipërisë, shtetasi E. H., 35 vjeç.

Shtetasi E. H. akuzohet se në vitin 2012, në lagjen “Fahri Ramadani”, Shkodër, në bashkëpunim me shtetas të tjerë, kanë tentuar të vjedhin në një argjendari, duke përdorur armë zjarri. Gjatë tentativës për vjedhje, ka mbetur i plagosur vëllai i pronarit të argjendarisë”, njofton policia.

LEXONI GJITHASHTU:

• EMRAT| Vodhën argjendarinë në Kamëz, në pranga 2 të rinj
• “Gjithçka është shkatërruar”, pamje nga shtëpia pranë shpërthimit në Lushnjë