Detaje nga zjarri në Koçan të Maqedonisë së Veriut, mbi 100 të plagosur

Këtë të dielë rreth orës 03:00 të mëngjesit, një zjarr shkatërrues shpërtheu në diskotekën “Pulse” në Koçan, Maqedonia e Veriut, duke shkaktuar të paktën 50 viktima.

Incidenti ndodhi gjatë një koncerti të një grupi të njohur, ku ishin të pranishëm rreth 1.500 persona. Sipas informacioneve paraprake, zjarri u shkaktua nga përdorimi i mjeteve piroteknike, çka çoi në një situatë paniku dhe një shtypje masive drejt daljeve.

Mbi 100 persona u plagosën dhe u dërguan në spitalet e Koçanit dhe Shtipit. Nga këta, 27 të lënduar u transferuan në Klinikën për Sëmundje Kirurgjikale “Naum Ohridski” në Shkup. Shërbimet kompetente, përfshirë një prokuror publik nga Prokuroria Themelore Publike e Koçanit, janë në vendngjarje për të hetuar shkaqet e tragjedisë.

LEXONI GJITHASHTU:

• Tragjedia me 50 të vdekur në Koçan, Policia maqedonase ndalon personat përgjegjës
• Aksident i rëndë në Kodrën e Rrushbullit, plagosen dy drejtuesit e mjeteve