Detyroi një vajzë të merrte drogë, arrestohet narkotrafikanti i dënuar në Krujë

Arbis Shima, një 29-vjeçar i dënuar me 5-vite burgim, pasi nxiti një shtetase për të përdorur lëndë narkotike, u arrestua këtë të mërkurë nga shërbimet e policisë në Krujë.

29-vjeçari është dënuar në vitin 2020 për veprat penale “Prodhimi dhe shitja e narkotikëve” dhe “Nxitja për përdorimin e drogës”, pasi në bashkëpunim me shtetas të tjerë, ka nxitur një shtetase, për të përdorur lëndë narkotike, si dhe ka qenë i implikuar në veprimtaritë kriminale të prodhimit dhe shitjes së lëndëve narkotike.

Lokalizimi dhe kapja e Shimës u bë e mundur me mbështetjen e inteligjencës informative, për kapjen e shtetasve të shpallur në kërkim si autorë të veprave të ndryshme penale.

29-vjeçari Shima iu dorëzua Drejtorisë së Përgjithshme të Burgjeve, për kryerjen e veprimeve të mëtejshme procedurale.

LEXO GJITHASHTU:

• “Range Roveri” përplas 17-vjeçaren në Tiranë, arrestohet drejtuesi
• EMRI| Përplasi me ‘Hummer’ dhe kanosi 39-vjeçarin, arrestohet i “forti” në Pogradec
• Bashkëshorti i afrikanes së vrarë nga policia s’e di ende nëse ishte shtatzënë…