Bashkëshorti i afrikanes së vrarë nga policia s’e di ende nëse ishte shtatzënë…

Një ngjarje e rëndë ka ndodhur pak ditë më parë në kufi në Maqedoninë e Veriut, ku pas një incidenti me policinë ka mbetur e vdekur shtetasja afrikane Fatmata, 23 vjeçare.

Giovani Fonttana, president i Second Tree dhe personi që e kishte strehuar të renë tha në një intervistë për emisionin GoodMorning Albanians në Euronews Albania se e reja që u vra në kufi dyshohet se ishte shtatzënë.

Ai tha se bashkëshorti i viktimës ende nuk e di se ku ndodhet trupi i saj, pasi nuk e lejojnë ta shohë dhe nuk e di ende nëse ajo është shtatzënë, gjë që do ta tregojë autopsia.

“Bashkëshorti i saj do të qëndrojë në RMV dhe do të luftojë për të zbuluar të vërtetën, gjatë punës time nuk kam parë kurrë më parë një njëri kaq të vendosur për t’i shkuar deri në fund. Ministria në RMV nuk është rastësi që nuk ka përmendur as moshën e viktimës as që është grua. Çështjen do ta çojmë në instancat më të larta, deri në Komision Evropian”, tha ai.

LEXONI GJITHASHTU:

• Pse u vra e reja afrikane? Flet italiani që e strehoi: Polici e qëlloi në kufi
• 23-vjeçarja afrikane vritet nga policia në Maqedoninë e Veriut