Dhjetëra mijëra të evakuuar nga përmbytjet masive në Kinë, 127 mln banorë në rrezik

Autoritetet kanë evakuuar rreth 60,000 njerëz nga shtëpitë e tyre në Guangdong, pasi shiu i dendur që ra për disa ditë shkaktoi përmbytje masive në provincën më të populluar të Kinës.

Njëmbëdhjetë persona janë zhdukur, ndërsa deri më tani nuk raportohet për viktima.

Pamjet në mediat shtetërore dhe në internet tregojnë sipërfaqe të mëdha toke të përmbytura nga përmbytjet dhe shpëtimtarët që transportojnë njerëzit në varkat e shpëtimit në ujë të thellë.

Stuhia goditi më së shumti qytetet Shaoguan, Guangzhou, Heyuan, Zhaoqing, Meizhou dhe Huizhou. Shërbimet e shpëtimit u ndihmuan nga ushtria kineze, e cila po ndihmon në pastrimin e rrugëve, sipas Reuters.

Qeveria kineze miratoi dje zbatimin e planeve emergjente për shkak të kërcënimit të përmbytjeve në provincën Guangdong, që kërcënon 127 milionë banorë.

Meteorologët njoftuan dje se niveli i ujit në pjesë të caktuara të lumenjve në atë krahinë ka arritur një nivel që ndodh vetëm një herë në 50 vjet.

LEXONI GJITHASHTU:

• A i shkaktoi mbjellja e reve përmbytjet në Dubai?
• Përmbytjet|Shqiptarja nga Dubai: Qielli u bë jeshil nga stuhia, s’e kisha parë kurrë