“Dhoma ekonomike, e padobishme”, bizneset futen në një shoqatë me detyrim

Bizneset në Shqipëri po detyrohen të bëhen pjesë e një organizmi të ri, që do të quhet Dhoma Shtetërore Ekonomike. Por shoqatat e biznesit e kundërshtojnë propozimin, si të dëmshëm dhe të padobishëm për tregun.

Një dhomë shtetërore Ekonomike do të bëjë bashkë të gjithë bizneset në vend me anëtarësim të detyrueshëm. Nisma e qeverisë, nuk është mirëpritur nga dhomat e biznesit, të cilat gjejnë me vend të thonë se po shkelet organizmi i lirë i sipërmarrjeve.

Qeveria thotë se nevoja për këtë riorganizim, vjen pasi bizneset, deri më tani përfaqësohen me 180 dhoma ekonomike, por këto të fundit e shohin Dhomën shtetërore si një institucion të kapur, i cili do të marrë kompetencat që ka Qendra Kombëtare e Biznesit.

Në thelb, nisma kërkon që bizneset do të anëtarësohen me detyrim dhe të paguajnë një kuotë të caktuar në varësi të xhiros, por edhe kjo e fundit shihet si barrë financiare, e cila nuk sqarohet siç duhet nëse kthehet në shërbim për bizneset apo jo.

LEXONI GJITHASHTU:

• Bizneset gjermane janë optimistë, ambasadori: Mbështesim shtetin ligjor
• Kreditë e këqija në rënie, këstet po shlyhen në kohë nga qytetarët dhe bizneset