Kreditë e këqija në rënie, këstet po shlyhen në kohë nga qytetarët dhe bizneset

Kreditë e këqija po ulen. Në fund të muajit mars, ato përbënin 4.64% të shumës së përgjithshme, niveli më i ulët ky në 10 vitet e fundit.

Në muajin shkurt ato ishin në nivelin 4.69%, ndërsa gjatë vitit 2023, ato janë luhatur në nivelin 5%.

Sipas të dhënave nga Banka e Shqipërisë, cilësia e portofolit të kredive është përmirësuar gjatë  fundit të vitit 2023 dhe ka vijuar edhe në tremujorin e parë të këtij viti duke rrëzuar pritshmëritë fillestare, sipas të cilave inflacioni dhe rritja në nivele rekord e normës bazë të interesit do të rriste nivelin e kredive me probleme.

Rruga drejt zgjidhjes së këtij problemi i dedikohet edhe bankave, të cilat kanë treguar kujdes të shtuar në miratimin e kredive gjatë viteve të fundit.

Gjithashtu gjatë kësaj periudhe pati një edhe ndryshim të sjelljes së biznseve dhe të individëve, të cilët kanë zgjedhur në masë monedhën lek.

Duke parë ecurinë e kursit të këmbimit që i ka ulur vlerën valutës së huaj, prirjet për kreditim në euro ose dollarë kanë rezultuar në rënie.

LEXONI GJITHASHTU: 

• Bankat japin 1 mld lekë kredi në ditë Rritet kërkesa në vitin 2024, preferohet leku
• Kreditë me probleme ranë në 4.69%, shkak likuiditeti i shtuar nga turizmi