Kreditë me probleme ranë në 4.69%, shkak likuiditeti i shtuar nga turizmi

Kreditë e kqija vijojnë të shënojnë përmirësim në portofolin e kredive nga Banka e Shqipërisë. Teprica e kredisë, forcimi i lekut por dhe turizmi janë ndër faktorët kryesorë që kanë sjellë këtë përmirësim.

Kreditë me probleme zbritën në vlerën e 4.69% në muajin shkurt duke prekur kështu nivelin e ri më të ulët hitorik të 15 viteve të fundit.

Sipas të dhënave të Bankës së Shqipërisë, kreditë e këqija e nisën vitin në vlerën e 4,88% në janar në portofolin e kredive, ndërkohë që vitin e kaluar, ato ishin në raportin e 5.16%.

Përmirësimi i portofolit të kredisë i atribuohet kryesisht tepricës së kredisë. Në fund të muajit shkurt, portofoli i kredisë arriti në 750 miliardë lekë, 9 miliardë shtesë nga muaji janar.

Përtej statistikave zyrtare, turizmi vlerësohet të ketë pasur një efekt të rëndësishëm në ekonomikë e sektorit privat. Kërkesa për mallra dhe shërbime ka vijuar në rritje për shkak të numrit të shtuar të vizitorëve duke u përkthyer në një shtim të likuiditetit për sektor të shumtë të ekonomisë.

Megjithatë, ky efekt mund të mos jetë plotësisht i dukshëm për shkak të informalitetit i cili mbetet i lartë.

Gjithashtu, forcimi i lekut kundrejt euros dhe rritja e lehtë e normave të interesit nga Banka e Shqipërisë gjatë vitit të kaluar ka ndihmuar në mbajtjen nën kontroll të kredive me probleme.

Banka e Shqipërisë vitin e kaluar e rriti normën bazë të interesit vetëm dy herë dhe niveli prej 3.25% është ndër më të ulëtit në Europë, me diferenc të madhe nga normat e aplikuara nga bankat qëndrore në Europë dhe në rajon.

LEXONI GJITHASHTU:

• Rriten kreditë e këqija, në janar niveli arriti në 4.88%
• Ndryshojnë kreditë, ekspertët: Kredimarrësit në lekë me tribor paguajnë më pak