Dhuna ndaj grave, Kuvendi i Shqipërisë i bashkohet nismës së Asamblesë Parlamentare të KiE

Në përkrahje të nismës së Presidentit të Asamblesë Parlamentare të Këshillit të Evropës për forcimin e bashkëpunimit mes parlamenteve kombëtare gjatë krizës aktuale COVID-19, Kuvendi i Shqipërisë mbështeti organizimin e seancës së përbashkët dëgjimore mbi ndikimin e pandemisë në çështjet e grave.

Në këtë seancë morën pjesë përfaqësues nga, Komisioni për Punën, Çështjet Sociale dhe Shëndetësinë, si dhe përfaqësues të Asamblesë Parlamentare të Këshillit të Evropës, e cila u zhvillua sot, më datë 4 dhjetor 2020.

Qëllimi i kësaj nisme është që të gjitha parlamentet e vendeve anëtare të KiE të organizojnë dëgjesa në komisionet e përhershme parlamentare kushtuar tematikave të veçanta mbi  ndikimin dhe pasojat e pandemisë COVID-19.