Dhuna në Fushë-Krujë, FSHF dënon me gjoba dhe pezullim Ilirinë

Komisioni i Disiplinës ka marrë masa të forta ndaj Ilirisë së Fushë-Krujës pas ngjarjeve të dhunshme të regjistruara përpara ndeshjes me Skënderbeun në Kategorinë e Parë.

Sipas vendimit zyrtar, klubi është gjobitur me 500 mijë lekë, ndërsa të gjitha ndeshjet e mbetura të sezonit në të cilat Iliria është skuadër pritëse do të zhvillohen në një fushë asnjanëse, jo më afër se 50 kilometra nga stadiumi i Fushë-Krujës.

Pezullime të ashpra janë vendosur edhe për lojtarët Adolf Selmani, Brajan Selmani dhe Bruno Arrabal, të cilët do të mungojnë për katër ndeshje. I njëjti dënim është dhënë edhe për zyrtarin e klubit Jornels Selmani.

Pavarësisht situatës, ndeshja ndaj Skënderbeut është konfirmuar të zhvillohet më 17 mars, në stadiumin “Elbasan Arena”.