Përplasja në Kuvendin e Kosovës, LDK: Instaluesit e dhunës nuk kanë të drejtë morale

Lëvizja Demokratike e Kosovës ka reaguar në lidhje me përplasjen fizike në Kuvendin e Kosovës. Përmes një komunikate për media LDK dënon sulmin dhe thekson se skena të tilla dhune nuk kanë vend në kuvendin e Republikës së Kosovës.

LDK atakon LVV-në, se janë ata që kanë instuluar precedentin e dhunës në Kuvendin e Kosovës dhe nuk kanë asnjë të drejtë mora;izuese sot që kanë shkaktuar këtë polarizim të skajshëm shoqëror.

“Pamjet e shëmtuara të dhunës nuk e kanë vendin në Kuvendin e Republikës. Nuk e kanë pasur asnjëherë – as në të shkuarën – as tani. Sot, ishte një ditë tjetër e rëndë në historinë parlamentare të Republikës.

Instaluesit e dhunës në Kuvendin e Kosovës nuk kanë të drejtë moralizuese sot. Ata kanë ushqyer polarizimin e skajshëm shoqëror, kanë ushqyer gjuhën e urrejtjes, ndarjes e përpalsjes në çdo sjellje e veprim të tyre; e bëjnë dhe sot.

Këtë sjellje të papërgjegjshme, ndarëse e përplasëse nuk guxojmë ta ushqejmë njësoj.

LDK do të vazhdojë, si gjithherë, të mbrojë dhe ushtrojë vlerat bazike demokratike e shtetare në çdo sjellje të saj, brenda sallës së Kuvendit të Republikës dhe jashta saj”, thuhet në deklaratën e LDK-së.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• VIDEO| Përleshje fizike në Kuvendin e Kosovës, sulmohet kryeministri Kurti
• Përplasjet fizike në kuvendin e Kosovës, reagon PDK: Qeveria e nisi dhunën
• Dhunoi me grushte anëtarët e kabinetit, flet deputeti Lushtaku: Ja përse e bëra