Dhunohet brutalisht kreu i operatorëve turistikë në Sarandë, biznesmeni Arben Çipa

Arben Çipa, kreu i operatoreve turistikë në Sarandë është dhunuar barbarisht nga dy persona një ditë më parë.

Policia e Sarandës bëri me dije se ka arrestuar në një banesë në fshatin Lukovë, ku po fshihej njërin nga agresorët, shtetasin D. M., 37 vjeç, me precedent kriminal në krimet ndaj personit. Ndërkohë, vijon kërkimi për kapjen e shtetasit M. M., 29 vjeç.

“Dy autorët, xhaxha dhe nip, dyshohen se më datë 21.02.2025, rreth orës 16:10, në vendin e quajtur “Rruga për në Heremec”, në lagjen nr. 3, Sarandë, për motive të dobëta, kanë goditur me grushte, shkelma dhe sende të forta shtetasin Sotir Arben Çipa, 52 vjeç, duke i shkaktuar dëmtime të rënda.

Përmes një videoja Çipa ka tregua si ndodhi sulmi brutal ndaj tij.

“Është ora 16:10, duke shkuar në punën time. Në Heremec, në rrugë e sipër, një person me emrin Dio, administrator i “Four Elements”, më ka prerë rrugën, bashkë me një person tjetër, të shoqëruar, dhe duke diskutuar për një çështje që ai është bërë pengesë, për një projekt timin, ata kanë dalë dhe filluar me fyerje. Kur ata filluan me fyerje, unë padyshim nuk i kam pranuar. Në këtë kohë, kanë shfrytëzuar momentin dhe brenda në makinën time të dy personat më janë vërsulur me grushte, me gurë, e tjera, e tjera. Kam tentuar të mbrohem, por e pamundur në atë moment. Dhe ka arritur momenti që më kanë krijuar një situatë të tillë, në krejt trupin tim. Kjo video është për ta pasur si provë, edhe ajo çka përshkruaj, por edhe ajo çfarë ka ndodhur”, shprehet ai.

LEXONI GJITHASHTU:

• Njëri dhunoi bashkëshorten tjetri kunatën, procedohen 2 persona në Shkodër
• Vlorë| Dhunoi dhe kanosi me thikë bashkëjetuesen e tij, arrestohet 46-vjeçari