Dhunoi mësuesin me sende të forta, në pranga 29-vjeçari në Tepelenë

Njëri prej personave që dhunuan mësuesin në Tepelenë dy ditë më parë është arrestuar ditën e sotme.

Policia bën me dije se në pranga ka rënë shtetasi  A. G., 29 vjeç, dhe akuzohet për veprat penale “Plagosja e lehtë me dashje”, kryer në bashkëpunim dhe “Vetëgjyqësia”.

Blutë bëjnë me dije se janë në kërkim dhe dy personat e tjerë të cilët në bashkëpunim me 29-vjeçarin dhunuan me sende të forta mësuesin K. L., 59 vjeç.

Ky i fundit mësohet se është ndaluar pasi ndaj tij u bë pasi nga kallëzimet e marra në lidhje me këtë rast, dyshohet se ai ka ngacmuar seksualisht 2 shtetase të mitura.

Materialet procedurale i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.

LEXONI GJITHASHTU: 

• Dhunoi mësuesin me sende të forta, në pranga 29-vjeçari në Tepelenë
• Aktivistja: Veshja e Miss Kosovës nënkupton virgjërinë e nënshtrimin ndaj vjehrrës