Dhunuan dhe mbajtën rob për disa muaj një grua, 5 të arrestuar në Teksas

Një rast dhune dhe keqtrajtimi është zbuluar në Austin të Teksasit. Mësohet se një grua u gjet gjysmë e zhveshur, e torturuar dhe e lidhur me zinxhirë në një strukturë metalike në oborrin e një shtëpie.

Policia ka arrestuar pesë persona të cilët, sipas autoriteteve, e mbajtën atë rob dhe e abuzuan për muaj të tërë. Incidenti u bë i ditur më 30 tetor, kur fqinjët telefonuan shërbimet e emergjencës pasi dëgjuan britma për ndihmë.

Oficerët që mbërritën në vendngjarje e gjetën  gruan të lidhur në një mbajtëse thesi boksi, me lëndime të rënda dhe shenja të dukshme të abuzimit të zgjatur. Përpjekjet fillestare për ta liruar dështuan, pasi prangat metalike ishin shumë të ngushta, duke kërkuar ndërhyrjen e Departamentit të Zjarrfikësve, i cili i preu lidhjet me pajisje speciale.

Gruaja u dërgua menjëherë në spital. Mjekët konfirmuan se ajo kishte lëndime nga izolimi afatgjatë, shenja të thella në krahë dhe këmbë, djegie dhe plagë. Sipas dëshmisë së saj, gruaja njihte njërën nga të pandehurat , 51-vjeçaren Michelle Garcia me të cilën ishte shoqe.

Sipas saj në një moment ata thjesht vendosën që nuk e pëlqenin më dhe e mbajtën rob në oborr. Burrat e arrestuar përballen me akuza të rënda për rrëmbim, lëndim të rëndë trupor, abuzim dhe mbajtje të paligjshme.

LEXONI GJITHASHTU:

• Durrës/ Organizonin lojëra fati në lokal, arrestohet pronari, procedohen 3 persona
• Rusia rrit kontrollin mbi Pokrovskun, ndërsa Ukraina lufton valën e re të sulmeve