Digjet banesa në Tiranë, shpëtohet 19-vjeçarja. Mbeti e bllokuar mes flakëve

Një 19-vjeçare ka mbetur e bllokuar në banesën e saj të pëfshirë nga zjarri në rrugën “Sali Nivica” në kryeqytet. Ngjarja ndodhi mbrëmjen e së hënës, ku e reja pasi pa që banesa e saj u përfshi nga flakët num mundi dot të dilte në ambientet e jashtme.

Pas njoftimit të Policisë së Shtetit, efektivët e Forcave “Shqiponja”  mundën të nxirrnin 19-vjeçaren nga banesa.

Nga këqyrja e vendit të ngjarjes dhe veprimet e para hetimore dyshohet se zjarri ka rënë si pasojë e një shkëndije elektrike.

Materialet procedurale i kaluan Prokurorisë.

“Shërbimet e Komisariatit të Policisë Nr. 1 dhe ato të Sektorit të Forcës së Posaçme “Shqiponja”  ndihmojnë një shtetase që kishte mbetur e bllokuar në banesën e saj, pasi kishte rënë zjarr.

Mbrëmjen e djeshme, Policia ka marrë njoftim se në një banesë në rrugën “Sali Nivica”, kishte rënë zjarr dhe një shtetase rrezikonte jetën, pasi kishte mbetur e bllokuar brenda në banesë.

Shërbimet e Komisariatit të Policisë Nr. 1, bashkë me shërbimet e Sektorit të Forcës së Posaçme “Shqiponja”, kanë shkuar menjëherë në adresën e dhënë dhe i kanë dhënë ndihmë shtetases E. D., 19 vjeçe, e cila kishte mbetur e bllokuar brenda banesës që ishte përfshirë nga zjarri.

19-vjeçarja është jashtë rrezikut për jetën”, njofton policia.

LEXONI GJITHASHTU:

• Zjarri në Elbasan, anëtari i këshillit bashkiak: Ndodhen afër dy magazina me bateri
• Shpallet në kërkim administratori i fabrikës së plastikës që u dogj në Elbasan