Digjet jahti luksoz i kampionit të pokerit, momenti kur shpërthen në flakë në Spanjë

Një jaht luksoz shpërtheu në flakë dhe u fundos në brigjet e ishullit spanjoll Formentera.

Irmao, një jaht charter, në pronësi të lojtarit profesionist të pokerit Diego Gómez González, i njohur si “Luani”, u dogj të shtunën, më 12 gusht dhe u fundos disa orë më vonë pas përpjekjeve të përsëritura të zjarrfikësve për të shuar flakët.

Zjarri filloi në skajin e anijes rreth orës 5.30 të pasdites kur Irmao ishte ankoruar në Cavall d’en Borràs përballë restorantit të famshëm El Tiburon.

Yacht burns down near #Formentera coast pic.twitter.com/qTEU2AB4nM

— Steven (@StevenRenes1) August 12, 2023

17 personat në bord, 12 të ftuar dhe 5 anëtarë të ekuipazhit, u hodhën në ujë ndërsa zjarri u përhap në të gjithë anijen. Vetëm një anëtar i ekuipazhit kërkoi ndihmë mjekësore për djegie të lehta.

Irmao ka shtatë kabina dhe dhoma të veçanta për anëtarët e ekuipazhit. Është 27 metra e gjatë dhe ofron komoditete luksoze duke përfshirë një xhakuzi në kuvertën e prapme dhe një shumëllojshmëri lodrash uji.

Tani po punohet për zbardhjen e shkaqeve të zjarrit. Nuk dihet ende nëse pronari ishte në bord.

LEXONI GJITHASHTU:

• “Mjeshtri” i shtëpive të barit në Spanjë, arrestohet në Tiranë 25-vjeçari
• Spanja përballet me valën e katërt të të nxehtit, temperaturat deri në 44 gradë