Dinamo mbetet pa trajner, drejtuesit pezullojnë Dritan Mehmetin

Sezon i ri, por me avazin e vjetër, kjo shprehje do ti shkonte për shtat asaj çka ndodhi pas javës së 2 të kampionatit shqiptar, ku Dinamo pezulloi Dritan Mehmetin. Tekniku që e ngjiti skuadrën në elitë para 2 sezonesh, madje duke bërë një punë të mirë edhe vitin e shkuar u shkarkuar nga drejtuesit, duke e dërguar tek 21-vjeçarët. Vendimi ka ardhur pas 2 humbjeve të regjistruara në Superligën Shqiptare, e para ndaj Egnatias dhe më tej ndaj Bylisit.

Sipas burimeve mes palëve ka pasur bisedime dhe kritika për rezultatet, gjë që coi në pezullimin e Mehmetit. Aktualisht dinamovitët janë të vetmit me 0 pikë në ligë, të renditur në vendin e fundit, teksa sipas asaj që shkruhet në njoftimin e bërë në rrjetet sociale të nëndetëses, trajneri i përkohshëm do të jetë Erjon Xhafa.

Prej kohësh është përfolur për një akord mes trajnerit Ilir Daja dhe Dinamos, e duket se palët do ta zyrtarizojnë në ditët në vijim, ku me gjasa edhe në ndeshjen e radhës nuk pritet të ketë zhvillime.