Diplomatit iu sekuestruan bagazhet në aeroportin e Teheranit, Holanda thërret ambasadorin iranian 

Ministria e Jashtme holandeze thirri të martën ambasadorin e Iranit në Holandë për të protestuar sekuestrimin e bagazheve të një diplomati holandez në aeroportin e Teheranit. Ministria e ka cilësuar si të papranueshëm ndalimin e bagazheve.

“Irani shkaktoi një incident diplomatik më 28 janar 2026, duke detyruar një diplomat holandez të dorëzonte bagazhet e tij diplomatike në aeroportin e Teheranit”, tha ministria në një deklaratë.

Ministria tha se i kishte kërkuar vazhdimisht Iranit të lironte menjëherë mallrat e sekuestruara, për të cilat nuk dha detaje të mëtejshme. Më tej theksoi se kishte thirrur ambasadorin pasi Irani publikoi në internet pamjet e incidentit.