Diskutimet në Këshillin e Mandateve, avokati i Ballukut kërkon shtyrjen e mbledhjes

Prej orës 10:30 Këshilli i Mandateve dhe Imunitetit është mbledhur me dyer të mbyllura për të shqyrtuar kërkesën e SPAK për autorizim për heqjen e imunitetit të zv.kryeministres Belinda Balluku

Burime bëjnë me dije se në mbledhje po diskutohet lidhur me USB-në me provat e SPAK.

Prokurorët kanë thënë se materiali i USB-së mund të aksesohet vetëm nga anëtarët e këshillit të mandateve.

Sipas burimeve mësohet se Taulant Balla u ka thënë opozitarëve që provat t’i shohin në sallën e mbledhjes dhe të mos i marrin me vete, ndërsa prokurori ka thënë që deputetet mund t’i kenë provat dhe mund t’i marrin me vete.

Prokurorët kanë sqaruar se edhe avokati mund të njihet me aktet e USB-së.

Ndërkohë, avokati i Ballukut ka kërkuar shtyrjen e mbledhjes ndërsa ja deklaruar se i duhet kohe per mbrojtjen.

Burime nga mbledhja bëjnë me dije se avokati ka kërkuar 3 javë kohë për t’u njohur me dosjen, por prokurori ka thënë se afati është maksimumi 5 ditë. Mësohet se USB ka material voluminoz prej 10 mijë faqe.

Pas diskutimeve është vendosur që anëtarët e Këshillit të Mandateve dhe avokati do e marrin USB e SPAK me vete.

PD dhe PS kanë qenë në një mendje që mbledhja e të shtyhet për një ditë tjetër. Konkretisht, PD kërkon që mbledhja të mbahet të hënën, PS pas datës 19 janar, avokati i zv.kryeministres ka kërkuar 3 javë kohë që të njihet me dosjen, ndërkohë prokurorët 3-5 ditë.

LEXONI GJITHASHTU:

• Kërkesa e SPAK për Ballukun, Këshilli i Mandateve mbledhje me dyer të mbyllura
• Çështja Balluku, SPAK kërkesë Kuvendit: Mbledhja të zhvillohet me dyer të mbyllura